الكلام كلامنا

منتديات الكلام كلامنا .. ترحب بكم
لو انت من اهل البيت ... متخش يا عم وخلصنا
لو من بره المنتدى .. سجل ومش هتندم

اهلا بك يا زائر فى منتديات الكلام كلامنا



    يا ناس ياهووه... في بلد اسمه مصر إلحقووه...

    شاطر
    avatar
    Abo Hamza Ash-Sharqawy
    [ إدارة المنتـدي ]
    [ إدارة المنتـدي ]

    ذكر عدد الرسائل : 112
    العمر : 31
    البلد :
    مزاجى :
    دعاء :
    تاريخ التسجيل : 18/04/2008

    default يا ناس ياهووه... في بلد اسمه مصر إلحقووه...

    مُساهمة من طرف Abo Hamza Ash-Sharqawy في الخميس أبريل 24, 2008 8:12 pm

    زمان أيام الإنجليز كان الشعب محروم مفيش فلوس مفيش أكل في ظلم في إستعباد في بشوات في عبيد والشعب برضه كان ساكت لحد لما جه عمنا عبدالناصر والظاهر دى عادتنا لو رجعنا ورى شويه أيام سيدنا موسى كنا برضوا ساكتين لفرعون لحد لما قال لنا أنا ربكم الأعلى بس في عزر واحد ممكن نقوله دول كانوا إنجليز غرباء وفرعون من أظلم أهل الأرض أما دلوقتي الوضع اختلف تماما دلوقتي إحنا تحت قيادة مصرية مننا وعلينا ولادنا مش غرب عنا وعلشان كده بيكرمونا أخر كرم وإليكم بعض مظاهر الكرم
    ممنوع الكلام تماما فى أمور الدولة - فاهم ياد يا بن الـ
    بيع المصانع والشركات وإنتشار الإحتكار وقال إيه بيفكروا في إستاد القاهرة - عندهم حق اللعيبة بتشتكي من أرضيته
    مرتبات عاجزة عن تغطية أي نفقات
    وزراء من الطبقة الكادحة - رجال أعمال بس - حاسين بينا مش عايشين طول حياتهم في أوربا بيقفوا في طابور العيش معانا - تصدق صعبانين عليا غيرهم بياكل بيض بالبسطرما في عيش كايزر
    ملحوظة هامة
    ليا واحد صاحبي أخته مريضه عافاها الله بيجيلها علاج من الولايات المتحدة والدولة بتدعم بعضه فذهب والدها لوزير التضامن للتحدث معه عن زيادة دعم الدواء فرد الوزير بكل ذوووووووووق : نعمل إيه يعني نسفرك أمريكا وقبل كده راح لوزير الصحة السابق للوزير الحالي الجبلي وقاله عن الموضوع فرد الوزير ونظرة الأمل بتلمع في عينه : بنتك هتبقى متخلفة نصرف عليها ليه - قولت في نفسي صحيح أحمد زكى أحق بالدعم
    مبيدات مسرطنة - في داهية إحنا 80 مليون
    ماء ملوث - في داهية إحنا عاملين زحمه
    دواء غالي وكمان بيتكلموا عن نقص المادة الفعالة - صحيح نشتري الدواء ليه أهوه توفير
    تكريم لاعبي الكوورة بالملايين والموظفين بالبلغ القديمة........إلخ
    لو قعدت أوصف حالة الكرم في مصر هقعد سنة كاملة وإحتمال مش تكفي
    لكن هل تقع المسئولية على الحكومة فقط... بالطبع لا فالحكومة من نسيج هذا الشعب فهى لم تقل للموظف لا تخاف الله وارتشي لم تقل له قل للمواطنين عدي علينا بكرة يا سيد
    إذن ما الحل.....لكي ننقذ مصر , الحل هو
    المظاهرات , الإضرابات , الإشتباك مع الأمن , التحدث ليلا نهارا في أمور الدولة , سب الرئيس , سب الوزراء
    بالطبع لا فإني أشهد الله أن الإسلام بريء من هذه الأفعال المخالفة للشريعة
    قال الله تعالى - وأطيعوا الله والرسول وأولي الأمر منكم - وقال الرسول صلى الله عليه وسلم والحديث في صحيح مسلم من حديث حذيفة رضي الله عنه - سيولى عليكم إمراء يستنون بغير سنتي ويهتدون بغير هدي و سيقوم فيهم رجال قلوبهم قلوب الشياطين في جسمان إنس فقال حذيفة ماذا تأمرني يا رسول الله إن أدركت ذلك فقال له رسول الله صلى الله عليه وسلم تسمع وتطيع للأمير وإن ضرب ظهرك وأخذ مالك فاسمع له وأطعه - فهذا هو هدي النبي صلى الله عليه وسلم فالحل الوحيد هو العودة إلى كتاب الله وإلى سنة رسول الله صلى الله عليه وسلم فاللأسف نحن شعب لا يراقب الله في عمله ولا سلوكه ولا عاداته ولذلك نعاني وسنظل نعاني حتى نرضي الله ويرضي الله عنا وقت إذ سيخاف الحاكم الله فينا ويرحمنا فالصبر الصبر الصبر عند التغيير فلا يعتقد البعض عندما نتدين أن الوضع سيتغير مباشرة فالصبر على رحمة الله فلقد صبر الله علينا ونحن نعصاه جهرا وسرا ونهارا ومساءا و يوميا واسبوعيا لمدة سنوات وسنوات إلى الآن فالصبر والعودة إلى الله هو الحل الوحيد لإنقاذ مصر ولا يوجد حلا غيره
    يا أهل مصر عودوا إلى الله
    عودوا إلى الله


    avatar
    AhMeD
    [ إدارة المنتـدي ]
    [ إدارة المنتـدي ]

    ذكر عدد الرسائل : 26
    العمر : 31
    تاريخ التسجيل : 18/04/2008

    default رد: يا ناس ياهووه... في بلد اسمه مصر إلحقووه...

    مُساهمة من طرف AhMeD في الأربعاء أبريل 30, 2008 11:56 pm

    الله بجد والله مشكور جداااااا اباحمزه على هذا الموضوع الجميل والصياغه الغاليه ..

    وبجد فعلا احنا بنحب مصر

    وزى ما ديما ما بقول العيب مش فى مصر العيب فى ان اللى بيحكموا مصر مش عارفين قيمه مصر ...

    ربنا يولى علينا من يصلح ...



    _________________


    سهرت أعين ونامت عيون فى شئون تكون أو لا تكون

    ان ربنا كفاك بلأمس ما كان سيكفيك فى غدِ ما سيكون

      الوقت/التاريخ الآن هو الثلاثاء يناير 22, 2019 10:17 am