الكلام كلامنا

منتديات الكلام كلامنا .. ترحب بكم
لو انت من اهل البيت ... متخش يا عم وخلصنا
لو من بره المنتدى .. سجل ومش هتندم

اهلا بك يا زائر فى منتديات الكلام كلامنا



    واحد بيحكى على الديموقراطيه فى البلد.......هههههههههههههههههههههههههههههههه

    شاطر
    avatar
    lion
    [ عضو فعال ]
    [ عضو فعال ]

    ذكر عدد الرسائل : 28
    العمر : 31
    البلد :
    مزاجى :
    تاريخ التسجيل : 19/04/2008

    default واحد بيحكى على الديموقراطيه فى البلد.......هههههههههههههههههههههههههههههههه

    مُساهمة من طرف lion في الجمعة يونيو 27, 2008 10:20 am

    حصل انهارده معايا موقف لذيذ عمال اضحك كل ما افتكره
    من يومين اتصلت بيا قناة الحره و قالوا انهم بيعملوا موضوع عن الدور السياسى للفيس بوك فى الوطن العربى و هايكلموا شباب الكويت و الاردن و لبنان و مصر للحديث عن التجربه
    طبعا ساعتها كان قفايا لسه وارم و قولت قشطه .. نحكى عن التجربه و نفضح ولاد الجزمه اللى بيقولوا اننا فى ازهى عصور الديمقراطيه و ييجوا يخطفونا من الشوارع و يعذبونا
    المهم .. لبست القميص اللى على الحبل و بعد ما خلصت شغل روحت لمكان الاستوديو اللى قناة الحره متعاقده معاه للتصوير
    هو فى عماره مش فاكر رقمها على الكورنيش جنب ماسبيرو فوق نظارات كارتييه .. و مش فاكر كان اسم الاستوديو ايه ايه تى سى او ايه جى سى تقريبا مش فاكر .. تقريبا الضرب بتاع امن الدوله زود الزهايمر عندى
    دخلت الاستوديو .. و فجاه لقيت واحد طويل عريض المنكعين .. و بيكلمنى من بعيد ..* ازيك يا بشمهندس معاك طارق نصار مدير الاستوديو
    -اهلا وسهلا
    *مش عايزين شتيمه فى مصر
    -و مين قال انى هاشتم فى مصر .. و مين يرضى اساسا بكده
    *قصدى اى كلام عن الجكومه أو الأمن
    -و هم دول مصر .. دول بعض الافراد اللى بيديروا مصر و هما اللى بيشوهوا صورتها بافعالهم
    *انا قولتلك اى كلام عن الحكومه او الامن هاقطع الارسال
    - طب سلاموا عليكم .. اكيد بعد اللى حصلى مش هاطلع و أقول ان كل حاجه فى مصر زى الفل و الحكومه بتحترم حقوق الانسان
    * بلاش ننشر غسيلنا الوسخ
    - طيب يا عم سلاموا عليكوا
    * طب ثوانى
    سابنى و مش و قعد يكلم حد فى التليفون .. انا قولت اكيد بيتصل بامن الدوله و هايسلمنى .. ياللا بقى .. هى علقه و لا اكتر
    شويه كده و جه احد الفنيين و قاللى اتفضل قدام الكاميرا ... ماشى
    قعدت قدام الكاميرا و حطيت السماعه فى ودنى و كنت سامع المذيع بيكلم حد من الكويت عن تجربة استخدام الفيس بوك فى الانتخابات البرلمانيه الكويتيه ... قعدت حوالى 20 دقيقه
    * مساء الخير .. استاذ احمد؟؟ - ده المذيع بتاع الحره اللى على المايك
    - اهلا وسهلا
    * اهلا بيك .. سمعت من كام يوم على اللى حصلك
    - اه .. دى كانت مجرد استضافه من امن الدوله على شويه ضرب علشان انا مش متربى و هم اكتشفوا ان ابويا نسى يربينى تقريبا .. و بالمره يعرفوا الباسوورد
    * ههههههه على فكره مش ده سؤالى .. انا هاتكلم بصفه عامه احنا لسه ماسجلناش
    - عادى مافيش مشاكل .. انا هاتكلم عن تجربة الفيس بوك بصفه عامه
    ششششششششششششششششت ... إيىء
    ده كان الصوت اللى سمعته فى السماعه و بعد كده سكوت تاااام
    عدت ربع ساعه و محدش معبر اللى خلفونى.. و بالفعل بدات انام لغاية ما دخل احد الفنيين
    * إحنا أسفين يا بشمهندز عطل فنى و هانصلحه على طول
    - ...........
    عدت ربع ساعه كمان و بدأت بالفعل أروح فى النوم و تقريبا بدأت أشخر لغاية ما الفنى اللى دخل من شويه صحانى من النوم .. الله يكرمه
    * معلش يا بشمهندز الجهاز هنج و هانكلمك وقت تانى
    - شكرا .. بس المكان عندكوا هادى و جميل قوى للنوم .كنت يا عم سيبنى شويه .. سلاموا عليكم
    و طبعا نازل و انا هاقع على الارض من كتر الضحك
    و بعدها جالى اتصال من احد معدى قناة الحره بيعتذر و ان الاستوديو ده بالتعاقد مش تبع القناه نفسها و بيوعد بإكمال البرنامج فى يوم تانى فى استوديو غيره
    شكرا شكرا
    بس ما كنت اعرف ان السيطره الامنيه بالمنظر ده
    على كل الفضاءيات المصريه .. و كمان الحره
    مش قصدى ان الامن مسيطر على الحره زى ما هو مسيطر على دريم و المحور
    قصدى انه برضه بيتحكم فى اللى يتقال و ما يتقالش و لو عن طريق املاء الاوامر للاستوديو مش القناه

    شكرا
    avatar
    atomicpomp_2004
    [ عضو جديد ]
    [ عضو جديد ]

    ذكر عدد الرسائل : 14
    البلد :
    دعاء :
    تاريخ التسجيل : 20/06/2008

    default رد: واحد بيحكى على الديموقراطيه فى البلد.......هههههههههههههههههههههههههههههههه

    مُساهمة من طرف atomicpomp_2004 في الجمعة أغسطس 08, 2008 5:02 pm

    pirat [b]يا باشا الدنيا هنا مش سوداويه قوى كده وبعدين اشمعنى قناة الحره؟؟؟؟
    طيب ماهى معروف انها امريكيه اصلا
    ماتتكلم عن قناة الجزيره ((الشقيقه)) اللى بتقول حاجات اكتر من الحره عننا وممكن تكون مبالغ فيها احيانا pirat

      الوقت/التاريخ الآن هو الثلاثاء يناير 22, 2019 10:19 am